الفاصوليا والسبانخ - منتديات مدينة الكردي
رقم المشاركة : ( 1 )
 
Mohamed Atef
كرداوى جيد
Mohamed Atef غير متواجد حالياً
 
رقم العضوية : 183
تاريخ التسجيل : Feb 2013
مكان الإقامة : بجوار المعهد الديني
عدد المشاركات : 35
عدد النقاط : 10
قوة التقييم :
افتراضي الفاصوليا والسبانخ

كُتب : [ 02-08-2013 - 06:54 PM ]


بعض خضرواتنا الشتوية قبل ماتخلص
هنفرز الفاصوليا والسبانخ بالصور
نبدا الاول بالفاصوليا
هتجيبى الكمية اللى انتى عايزة تفرزيها مثلا 3 كيلو وهتغسليها وتشيلى اطرافها بالسكينة


انا بقطعها اكتر من حجم يعنى بقطعها نصين او على 3 بالكتير عشان اعمل كيس للكبسة او مع الخضار السوتيه بتكون طويلة زى كدة



والباقى بقطعه صغير زى كلنا مابنعمل بالشكل دة للطبخ



بعد التقطيع بجهز ماية سخنة تغلى على النار واسقط فيها الفاصوليا واقلبها تاخد غلوة وبعدين اصفيها فى ناس بتحب تحطها

فى ماية بتلج عشان لونها لاكن انا مابحبش الحكاية دى عشان سخن وبارد وهتتفرز هتنح فى الطبخ وتغيب فى السوى


ولما تهدا اعبيها فى اكياس واشيلها فى الفريزر لوقت الطبخ اطلعها وهى فى الكيس انزل عليها ماية واصفيها واطبخها



وتعملى احلى فاصوليا سواء طبيخ فى حلة او طاجن وتدخليها الفرن تبقى تحفة زى دى





نيجى بقى للسبانخ

تجيبى كام ربطة سبانخ مثلا اربعة وكل ربطة تجيبلها ربطة كزبرة خضرة واللى يحب شبت يحط لاكن انا بحب الكزبرة اكتر

انا بالنسبة لى بقطع السبانخ والخضرة عليها يعنى بقطع ربطة ومعاها خضرتها وبعدين اغسلها



وانشلها فى مصفى واكرر الحكاية دى لحد ماالاقى الماية نضيفة زى الفل وماتخافيش دى طريقة صحية جدا لان السبانخ فيها كمية حديد واملاح كتير جدا وبالطريقة دى بتقللى كمية الاملاح اللى فيها يعنى بنحافظ على كليتنا


وعلى مادى تتصفى اكون عملت ربطة سبانخ تانية وعليها خضرتها واشيل اللى نشفت واعبيها فى كيس واغسل اللى بعدها لحد مااخلص كمية السبانخ والخضرة واكيس وعلى الفريزر زى ماهى

وتطلعيها وقت ماتحبى تطبخى وتنزليها على الصلصة على طول هتفك فيها وتاكلى احلى سبانخ صحية




وتطبخى احلى طبق سبانخ سواء بالرز او بالحمص الاتنين روعة




انا كدة خلصت واى سؤال تحت امركم

رد مع اقتباس
 
 رقم المشاركة : ( 2 )
عمادالكردى
مديـر المنتــدى
رقم العضوية : 5
تاريخ التسجيل : Nov 2012
مكان الإقامة :
عدد المشاركات : 3,334
عدد النقاط : 10

عمادالكردى غير متواجد حالياً

افتراضي

كُتب : [ 02-08-2013 - 08:57 PM ]


تسلم ايدك يا محمد بس ممكن تعرفنا طريقه عمل ملوخيه الأرانب بس الملوخيه الخضرا الطازه

رد مع اقتباس
 
 رقم المشاركة : ( 3 )
وردة الماء
زائر
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي

كُتب : [ 02-24-2013 - 01:37 PM ]


البسله بحبها موت لكن الفاصوليا مش قوى والملوخيه مبحبهاش خالص بس ياريت تعرفونا عمل فتة الكوارع من اول ما نشتريها من الجزار الى ان تكون جتهره للأكل

رد مع اقتباس
إضافة رد

الكلمات الدلالية (Tags)
الفاصوليا, والسبانخ


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



تصميم و تطوير محمود عاطف