أكتب لنا ذكرياتك مع العيد - منتديات مدينة الكردي
رقم المشاركة : ( 1 )
الصورة الرمزية الحسين راغب
 
الحسين راغب
مشرف عام
الحسين راغب غير متواجد حالياً
 
رقم العضوية : 2
تاريخ التسجيل : Nov 2012
مكان الإقامة :
عدد المشاركات : 552
عدد النقاط : 10
قوة التقييم :
Talking أكتب لنا ذكرياتك مع العيد

كُتب : [ 08-03-2013 - 01:21 PM ]






السلام عليكم ورحمة الله

كل عام والجميع بخير ونسأله تعالى القبول

أصدقائى الأعزاء :

سبحان الله .. تبقى ذكريات العيد لدينا تحمل طابعا خاصا

لم نعد نراه أو نسمع به حتى وإن تلمسناه في الزوايا الضيقة من واقعنا

وقد نكون أسهمنا حاليا في استمرار فقدان تلك البهجة التي كانت تستحوذ علينا صغارا

فأصبح يوم العيد لدى الكثير يوما لا يفرق شيئاً عن بقية الأيام

إلا بصلاة العيد .. والتي تركها الكثير بحجة كفايتها


نقول تغير الزمان و لسنا متأكدين هل الزمان الذي تغير أم نحن


لكل منا ونحن صغارا ذكريات عن أيام العيد:


(الهدوم -الخياط - الحلاق -المكوجى - الزيارت -العيدية - المراجيح - الفسح ..الخ.. )


شارك بذكرياتك لنعيد الفرحة بالعيد ولنرسم البسمة على الشفاة


مين هيبدأ...؟؟؟





رد مع اقتباس
 
 رقم المشاركة : ( 2 )
m.mohey
كرداوى جديد
رقم العضوية : 43
تاريخ التسجيل : Nov 2012
مكان الإقامة :
عدد المشاركات : 11
عدد النقاط : 10

m.mohey غير متواجد حالياً

افتراضي

كُتب : [ 08-03-2013 - 01:47 PM ]


أولا كل عام وانتم بخير
ثانيا : ذكرياتي تتلخص في اللمة في صلاة العيد وخاصة لما نخلص صلاة ونسلم على الناس كنت بروح اصلي في العلاج الشامل من طريق وارجع من آخر لأتمكن من مصافحة اكبر قدر ممكن من الناس الناس الطيبين المحترمين أهل بلدي الكردي
وتتلخص أيضا في لمة الأسرة على الفطار ويتخلله بعض الزيارات من الأقارب والأحباب والجيران ولا أنسى إطلاقا نظرات الفرح والسعادة على وجة أبي وأمي وأخواتي ولا أهلي
الزيارات المتبادلة والعشرة جنيهات او العشرين على حسب يعني اللي بتتنقل من بيت للآخر
فرحة العيد تتلخص في حب الناس لبعضها البعض تتلخص في الإبتسامة وحالة الرضى الغير طبيعية على وجوه الناس
فرحة العيد تتلخص في صلة الرحم والمراجيح وفرحة الأطفال بها
اللهم يارب العرش الكريم يا حنان يا منان يا حي يا قيوم أعد علينا هذه الأيام بالخير واليمن والبركات اللهم حببنا إلى بعضنا وانزع الغل والحسد والبغضاء من صدورنا وثبت على اليقين فلوبنا اللهم يارب الناس يا ذا الجلال والاكرام أعد إلينا روح التسامح والحب والود والوئام يارب


كل عام وانتم بخير

رد مع اقتباس
 
 رقم المشاركة : ( 3 )
مستر احمد باغه
أحد مؤسسي المنتدى
رقم العضوية : 6
تاريخ التسجيل : Nov 2012
مكان الإقامة :
عدد المشاركات : 1,355
عدد النقاط : 10

مستر احمد باغه غير متواجد حالياً

افتراضي

كُتب : [ 08-03-2013 - 02:54 PM ]


طب المشكلة دلوقتي كبيرة معايا
انا ليا ذكريات كتيرة اوي في العيد وانا صغير
فمش عارف اكتب ليكم انهي ذكرى فيهم
فعلا محتار

رد مع اقتباس
 
 رقم المشاركة : ( 4 )
عمادالكردى
مديـر المنتــدى
رقم العضوية : 5
تاريخ التسجيل : Nov 2012
مكان الإقامة :
عدد المشاركات : 3,334
عدد النقاط : 10

عمادالكردى غير متواجد حالياً

افتراضي

كُتب : [ 08-03-2013 - 03:23 PM ]


اقتباس:
المشاركة الأصلية كتبت بواسطة مستر احمد باغه مشاهدة المشاركة
طب المشكلة دلوقتي كبيرة معايا

انا ليا ذكريات كتيرة اوي في العيد وانا صغير
فمش عارف اكتب ليكم انهي ذكرى فيهم

فعلا محتار
إبدأ من البدايه من أول ظكته فصلتها ومتقولش إنك كنت بتكوى زكتة العيد علشان يبقى كلامك حلو ومساوى هه يلا إبدأ

رد مع اقتباس
 
 رقم المشاركة : ( 5 )
aboelsaid
مشرف منتدى الكردى بلا تدخين
رقم العضوية : 34
تاريخ التسجيل : Nov 2012
مكان الإقامة :
عدد المشاركات : 482
عدد النقاط : 10

aboelsaid غير متواجد حالياً

افتراضي

كُتب : [ 08-03-2013 - 07:00 PM ]


حضرت العيد وانا صغير في مدينة المراغة بسوهاج وكانوا بيوزعوا علينا منشورات ضد النظام بعد الصلاة تودي في ستين داهية ومرة في العلاج الشامل واتسرق شبشبي الجديد ومرة كنت بعتمر مع والدي الله يرحمه وصلينا العيد في الحرم المكي وكنت جايب جلبية بيضا بس اتحرقت مني فاضطريت اصلي العيد في الحرم بالبرامودا وانا مكسوف من نفسي بس مكنش فيه وقت اشتري ملابس تليق بهيبة المكان .
بالنسبة للعيدية كنت مميز الصراحة ودلوعة عيلة والدي ووالدتي .. بس مش عارف ليه العيدية كاوا بيعتبروها من أموال الشعب وتتم مصادرتها في خزانة الدولة
وكل سنة والأستاذ حسين طيب وأصدقائنا أعضاء المنتدى وأبناء مدينة الكردي

رد مع اقتباس
 
 رقم المشاركة : ( 6 )
محمد عبد الفتاح عطا
كرداوى ممتاز جداً
رقم العضوية : 59
تاريخ التسجيل : Nov 2012
مكان الإقامة :
عدد المشاركات : 1,036
عدد النقاط : 10

محمد عبد الفتاح عطا غير متواجد حالياً

افتراضي

كُتب : [ 08-05-2013 - 12:06 PM ]


يااستاذنا الحبيب كل عام وانت بالف خير ومن الفائزين العايدين باذن الله - اذكرك بموقف من ذكريات العيد وهو عربات الكاروا المصطفه لنقل الكردوه الى ميت سلسيل لزياره سيدى مجاهد وتقضيه اليوم بكامله هناك - وكذلك العركه التى كانت تحدث سنويا بين الكردوه وميت سلسيل - خناقه سنويه ننهى بها اليوم وكأنها من طقوس اليوم ولابد منها - كل عام وانتم بخير


رد مع اقتباس
 
 رقم المشاركة : ( 7 )
شمس مصريه
مشرفة كلمات من نبض الإحساس
رقم العضوية : 266
تاريخ التسجيل : May 2013
مكان الإقامة :
عدد المشاركات : 478
عدد النقاط : 10

شمس مصريه غير متواجد حالياً

افتراضي

كُتب : [ 08-05-2013 - 03:52 PM ]


أولا كل سنة وحضراتكم طيبين
ويارب عيد سعيد ومبارك علينا جميعا وعلى كل أمة المسلمين

طبعا ذكريات العيد جميلة بداية مع هدوم العيد
والجزمة والشراب كمان اللي كنا بناخدهم في حضننا واحنا نايمين
ونفضل قبل العيد بكم يوم نقيسهم ونقف قدام المرايه نعمل بروفه عليهم
وبعدين نطويهم ونرجعهم للكيس تاني عشان نرجع من تاني نخدهم في حضننا واحنا نايمين


بس انا عندي ذكرى مؤلمه في العيد وده بسبب الجزمة ام كعب عالي

كانت اول مرة في حياتي البس جزمة كعب عالي كنت صغيرة
وقعدت اعيط لماما عند المحل عشان تشتريها لي
وفعلا جابتهالي ولبستها يوم العيد الصبح واتزحلقت بيها
وكان جمبي براد شاي سخن اتكب كله على دراعي


وفضلت اعالج في دراعي شهرين لحد ما خف
وكنا وقتها في الدراسة وطبعا كنت مبسوطه عشان كنت معفيه من كتابة الواجب

بس من يومها لو لبست جزمه كعب عالي مش بعدي من جمب براد شاي ابدا

رد مع اقتباس
 
 رقم المشاركة : ( 8 )
مستر احمد باغه
أحد مؤسسي المنتدى
رقم العضوية : 6
تاريخ التسجيل : Nov 2012
مكان الإقامة :
عدد المشاركات : 1,355
عدد النقاط : 10

مستر احمد باغه غير متواجد حالياً

افتراضي

كُتب : [ 08-08-2013 - 05:16 AM ]


لي ذكرى في العيد
وهي احد زكريااااااتي
بعنوان
انا والعجلة الايجار
انا وانا صغير كنت مدمن عجل
وعندي عجلة بس الجماعه عاينينها في السقف عشان اذاكر ولما الاجازة تيجي ينزلوها
وجه العيد وكان معايا اصحابي
فاتفقنا اننا نأجر عجل
ورحنا لفلان اسمه محمد
وقالنا الساعه بجنيه للعجل العادي
والعجل الجديد ب 2 جنيه
انا في العيد ومعايا فلوس انا والعيال
فرحنا واخترنا من العجل الجديد
وكل العيال اخدت عجل جديد وجميل
الا انا
لما جه دوري كان الجديد خلص
وقالي استنه لما ساعتهم تخلص
قلت له لا انا عايز اسابقهم
فقالي خلاص
خد قديم وبجنيه يبني احسنلك من ام 2 جنيه
فقلت له والله فكره برافو عليك
وفعلا اخدت القديمة ورحت مع اصحابي وهنبدأ نتسابق بقى
وحددنا مكان البداية والنهايه
وانا عارف ان انا اشطر منهم في السواقه بتاع العجل
بس انا برضه عارف ان عجلهم جديد وعجلتي قديمة
واصريت وقلت ازود انا السرعه اكتر
وبدأنا في السكة الجديدة بس مكانتش زحمه خالص كده
زي الوقتي
وبدأنا وكلنا جرينا بس هم سبقو في البداية لان عجلهم حلو اوووووي
وعجلتي هلكانه
بس الاصرار
نعم انه الاصرار
وزودت انا السرعه وسبقتهم
بس كانت المفاجأة
سبقتهم خاااالص
لكني فوجئت اني ادام راجل لابس جلبيه بيضاء ناصعه ومعاه اولاده
ورايح يفسحهم او يزور عمتهم
وانا بالسرعه الفظيعه اتفاجئت بالراجل متشابك الايادي مع اولاده
فجيت ادوس فرامي
لكن واسفاااااااااااااااااه
العجلة القديمة الهلكانه مفيهاش فرامل اساسا
فاضريت اسفا اني البس في ابو جلبية بيضا
واخدته ونمنا سويا في ارض السكة الجديدة
وانبطحنا انبطاحا شديدا
وجه الناس وقومونا
والراجل جاي يتخانق معايا او يضربني بمعنى اصح
لكن ولاد الحلال انقذوني منه
والعجلة ادمرت من الفرش الامامي لانه كان دايب اساسا
وسحبت العجلة ورجعت للراجل وجاي يتخانق معايا هو الاخر
لولا ولاد حلال تانيين انقذوني للمرة التانية على التوالي منه
والحمد لله
انا بقيت كويس ادامكم اهوه
ومن ساعتها حرمت اركب عجلة غير عجلتي
وشكرا لكم
واسف ع الاطالة

رد مع اقتباس
 
 رقم المشاركة : ( 9 )
قليل الكلام
كرداوى جديد
رقم العضوية : 360
تاريخ التسجيل : Jul 2013
مكان الإقامة :
عدد المشاركات : 13
عدد النقاط : 10

قليل الكلام غير متواجد حالياً

افتراضي

كُتب : [ 08-08-2013 - 09:10 AM ]


انا ليا ذكريات كتير

احد اهم الذكريات كنا فى عيد الاضحى المبارك وانا راجع من صلاة العيد شوفت ابن خالتى بيتخانق امام الجمعيه الخيريه
وكان معايا اخوه الكبير روحنا نشوف فى ايه وطبعا بنجرى لقيت واحد كبير فالسن حوالى 25 سنه ماسكه مبهدله اخر بهدله
بنقوله ليه ياعم فى ايه قال هو كده مزاجى طبعا حاجه تغيظ ووقتها كنا تقريبا 19 او 18 سنه ومفيش حد بيشيل عن الواد من الناس الكبيره المفروض انها عاقله
والراجل بالنسبه ليا وقتها طوووووووووويل قومت انا طالع عالدرج اللى امام المحلات بتاعت الجمعيه الخيريه ورميت نفسى عليه ومسكته من رقبته مفيش ثوانى ولقيت ابن خالتى اللى كان بيضرب وبيعيط ضرب الراجل فى رجله وفرح واخد جمب اخوه بقى اللى كنا ماشين سوا جاب قالب طوب احمر مصرى اصيل ونزل فى راس الراجل ضرب بعصبيه وبغل انا لقيت قميصى كله احمريكا ياعم الحج وطلعنا نجرى والراجل اتجنن وروحت البيت ومعايا اولاد خالتى وفى السر غيرينا ملابسنا اللى فيها دعم وعدى اول يوم تانى يوم لقيت واحد غفير بيسأل على بيتنا فالشارع وانا ماشى فالشارع فهمت هو جاى علشان ايه اديتله عنوان فالبكرى المهم ضللته عن البيت وقولتله اللى بتسأل عليه ده زميلى فالمدرسه واديته عنوان غلط اتفاجئ بقى بالليل ان والدى عرف بالمشكله وابو ولاد خالتى وحلوها من بره بره وراضو الراجل مع انه الغلطان بس كان عيد وحش يومها يارب مانشوف الايام الوحشه ابدا

رد مع اقتباس
 
 رقم المشاركة : ( 10 )
مستر احمد باغه
أحد مؤسسي المنتدى
رقم العضوية : 6
تاريخ التسجيل : Nov 2012
مكان الإقامة :
عدد المشاركات : 1,355
عدد النقاط : 10

مستر احمد باغه غير متواجد حالياً

افتراضي

كُتب : [ 08-08-2013 - 07:50 PM ]


انا لي ذكرى تانية في العيد
هحكيهالكم


رد مع اقتباس
إضافة رد

الكلمات الدلالية (Tags)
مكتب, العيد, ذكرياتك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ذكرياتك مع شجرة التوت عمادالكردى صورة وتعليق "من الكردى" 17 04-20-2014 10:17 PM
جهود تبذل لانشاء مكتب بريد نموذجى الحسين راغب ارشيف الحاج حسين راغب 5 04-03-2014 06:00 PM
ديكورات مكتب جوجل عمادالكردى ديكورات و تتصاميم 3 08-10-2013 10:09 PM
حاجة أهالى البلاد الواقعة على طول خط المطرية-دكرنس الى انشاء مكتب تصريح عمل جديد... أحمد حسن عبد العال فضفضه 2 02-15-2013 10:56 PM
مكتب عريفى الشيخ أبوموسى الحسين راغب ارشيف الحاج حسين راغب 0 11-12-2012 02:52 PM



تصميم و تطوير محمود عاطف